Almatyda jylý qubyry jaryldy
ALMATY. KAZINFORM – Almatynyń Bostandyq aýdanyna qarasty Nazarbaev dańǵyly boıynda jylý qubyry jaryldy.
Aqaý saldarynan Sátbaev, Dostyq, Taımanov kósheleriniń boıy men Samal 1, 2, 3 yqsham aýdanynda ornalasqan úıler men ǵımarattarǵa jylý berý shekteldi. «Almaty jylý jelileri» apattyq qyzmetiniń málimetinshe, bul aqaý 1984 jyly paıdalanýǵa berilgen qubyrdyń tozýyna baılanysty paıda bolǵan.
Qubyrdaǵy aqaýdy jedel joıý úshin «ALJJ» JShS-nyń jóndeý-qurylys qyzmeti jumys istep jatyr. Jylýmen jabdyqtaýdy qalpyna keltirý 24 jeltoqsan saǵat 01:00-ge deıin aıaqtalady dep josparlanǵan.
– Esterińizge sala keteıik, eger tótenshe jaǵdaı oryn alsa (sý tasýy, bý shyǵýy jáne t.b.), óz betińizshe áreket etpeýińizdi jáne tómendegi nómirlerge habarlasýyńyzdy suraımyz: +7 (727) 378-06-65 (táýlik boıy), +7 (727) 341-07-77 (08:00-den 18:00-ge deıin) nemese 109, – dep habarlady ákimdikten.
Jalpy, bıyl qalada 25 jyldan astam ýaqyt paıdalanylǵan 20 km jylý jelisi qaıta jóndeldi. Bul baǵyttaǵy jumystar kelesi jyly da jalǵasady.
Almatynyń Arbaty erekshe bezendirilgenin jazǵan bolatynbyz.