Almatyda jylý qubyry jaryldy
Almaty qalasynyń Bostandyq aýdanynda jylý trassasy jarylyp, birqatar turǵyn úı jylý men ystyq sýdan ajyratyldy, dep habarlaıdy Kazinform.
Jylý trassasynyń jarylyp, ystyq sýdyń kóshe boıyna jaıylyp jatqan vıdeosy áleýmettik jelide tarady.
«Bostandyq aýdanynyń Rozybaqıev-Qojanov-Gagarın- Korolenko kósheleriniń boıynda ornalasqan birqatar turǵyn úı men ǵımarat magıstraldyq jylý júıesi aýmaǵynyń birinde bolǵan shtattan tys jaǵdaıǵa baılanysty jylýdan ajyratyldy», - dep habarlady «Almaty jylý júıesi» JShS ókilderi.
Aqparatta sondaı-aq 1976 jyly paıdalanýǵa berilgen 800 mm sý qubyrynyń aqaýyn jóndeýmen «Almaty jylý júıesi» JShS-nyń apattyq brıgadasy aınalysyp jatqany aıtylǵan. Qalanyń atalǵan aımaǵynda jylý men ystyq sý tún jarymynda beriledi dep kútiledi.
«Atalǵan aýmaqta turatyn qala turǵyndary men qonaqtaryn keltirilgen ýaqytsha qolaısyzdyqtarǵa túsinistikpen qaraýdy suraımyz», - dep málimdedi «Almaty jylý júıesi» JShS ókilderi.
Posmotret etý pýblıkatsııý v Instagram
