Almatyda jylý qazandyqtaryn jóndeý jumystary bastalady

ALMATY. KAZINFROM – Almatyda qazandyqtardy josparly jóndeý jumystary bastalady. Bul sharalar kelesi qysta jabdyqty daıyndaý úshin qajet jáne normatıvtik talaptarǵa sáıkes qatań túrde júzege asyrylady. 

«Almatyteplokommýnenergo» JShS tehnıkalyq qyzmet kórsetýdi jáne jóndeýdi uıymdastyrý qaǵıdalaryna sáıkes bekitilgen keste boıynsha jóndeý jumystaryna kirisedi.

– Osyǵan baılanysty keıbir ýchaskelerde ystyq sýmen jabdyqtaýdy májbúrli túrde ajyratý júrgiziledi. Qazandyqtardy toqtatý jylyna bir retten jıi emes júzege asyrylady. Іri nysandarda – «Orbıta», «ońtústik-shyǵys», «ońtústik» jáne «Aqkent» - basqa jylý jelilerine aýysý múmkindigi bar, bul óshirýdi boldyrmaıdy, – dep habarlady ákimdikten.

Alaıda keıbir qazandyqtarda ystyq sý berýdi ýaqytsha toqtatý qajet:

12-16 mamyr aralyǵynda

– №2 emhana» qazandyǵy (Medeý aýdany);

– Tehnıkalyq lıtseı № 71» qazandyǵy (Túrksib aýdany);

– №85 mektep» qazandyǵy (Túrksib aýdany);

– «13-shi áskerı qalashyq» qazandyǵy (Túrksib aýdany):

19 mamyrdan 23 mamyrǵa deıin

– Volochaevskaıa, 381 qazandyǵy (Túrksib aýdany);

– Seıfýllın №68B qazandyǵy (Túrksib aýdany);

– Bespakov qazandyǵy (Jetisý aýdany):

9-16 maýsymǵa deıin

– «Premera» qazandyǵy (Naýryzbaı aýdany);

9-23 maýsym aralyǵynda

– «Jas-Qanat» qazandyǵy (Túrksib aýdany);

9 maýsymnan 3 shildege deıin

– «Áýejaı» qazandyǵy (Túrksib aýdany):

21 shildeden 8 tamyzǵa deıin

– «Kókjıek» qazandyǵy (Jetisý aýdany):

– Almatyda 2024-2025 jyldardaǵy jylytý maýsymy jylý sharýashylyǵyn ýaqtyly daıyndaý jáne júrgizilgen jóndeý jumystarynyń arqasynda turaqty ótti. Bıyl 43 shaǵyn qazandyqty jóndeý josparda, onda ystyq sýdy óshirý bir aptadan aspaıdy. Jóndeýdiń tolyq kestesimen atke.kz resmı saıttan tanysýǵa bolady.

Eske salaıyq, buǵan deıin Almatyda eki apta boıy jylý jelilerine synaq júrgiziletini týraly jazǵan edik.