Almatyda jylytý maýsymy qarsańynda jedel shtab ashyldy
ALMATY. KAZINFORM — Almatyda 2026-2027 jyldardaǵy jylytý maýsymy qarsańynda táýlik boıy «Jedel áreket etý shtaby» jumys isteıdi.
Almatynyń kommýnaldyq ınfraqurylym jáne turǵyn úı ınspektsııasy basqarmasy jylý bolmaǵan, sý aqqan nemese aqaý týyndaǵan jaǵdaıda turǵyndar 109 jedel jelisine, 225-14-31 nómiri boıynsha Biryńǵaı dıspetcherlik ortalyqqa, sondaı-aq kóppáterli turǵyn úılerdi basqarý organdaryna júginýge keńes berdi.
Sondaı-aq jylytý maýsymy bastalǵanǵa deıin páterlerdegi radıatorlar men bekitý armatýrasynyń jaramdylyǵyn tekserý usynyldy.
— Jylytý júıesine óz betinshe tıisýge, sonyń ishinde radıatorlardy alyp tastaýǵa nemese júıedegi sýdy aǵyzýǵa bolmaıdy. Mundaı áreketter apatqa, jylytý júıesiniń jumysy buzylýyna jáne tikqubyrlardaǵy jylýdyń óshýine ákelýi múmkin, — delingen habarlamada.
Sondaı-aq, radıatorlar men jylytý tikqubyrlaryna baratyn joldy jaýyp tastaýǵa nemese qalyń perdemen jabýǵa bolmaıdy, óıtkeni bul jylý berýdi tómendetedi.
Ótinishti 109 jedel jelisi men Biryńǵaı dıspetcherlik ortalyqtan bólek, Open Almaty jáne e-Otinish servısteri arqyly, sondaı-aq basqarmanyń áleýmettik jelilerdegi resmı paraqshalaryna joldaýǵa bolady.
Eske salaıyq, Almatyda jylytý maýsymyn 9 qazanda bastaý josparlanǵan.
Sondaı-aq jylý berilgen turǵyn úıde páter jylymasa, qaıda júginý keregin jazǵanbyz.
