Almatyda jyl sońyna deıin úsh jańa kitaphana ashylady
ALMATY. KAZINFORM — Almatyda tamyz aıynyń sońyna deıin Qulager, Jas Qanat jáne Aqsaı shaǵynaýdandarynda jańa kitaphanalar ashylady.
Qalalyq Mádenıet basqarmasy ókilderiniń málimetinshe, bul jumystar Almatyny damytý baǵdarlamasy aıasynda qolǵa alynǵan. Jyl sońyna deıin Jetisý, Naýryzbaı jáne Túrksib aýdandarynda da jańa kitaphanalar paıdalanýǵa beriledi.
— Qazirgi tańda qalalyq kitaphana júıesine 30 fılıal kiredi. Olardyń basym bóligi jańǵyrtylǵan, al jeteýi táýlik boıy jumys isteıdi, — delingen habarlamada.
Eske salaıyq, buǵan deıin Almatyda qalalyq kitaphanalarynyń mobıldi qosymshasy resmı túrde iske qosylǵanyn habarlaǵanbyz.
Al onyń aldynda 1 naýryzdan bastap Almaly aýdanynda ornalasqan A. P. Chehov atyndaǵy Ortalyq qalalyq kitaphana (Gogol kóshesi, 109) men Naýryzbaı aýdanyndaǵy Almaty kitaphanalarynyń fılıaly (Belger kóshesi, 1B) táýlik boıy jumys isteý rejımine kóshetinin jazǵanbyz.
