Almatyda jyl basynan beri jumyssyzdyq deńgeıi tómendedi

ALMATY. KAZINFORM – Almatyda jyl basynan beri 36 myńnan astam jańa jumys orny ashylǵan. Bul týraly Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov aıtty.

Onyń aıtýynsha, halyqty jumyspen qamtýǵa baǵyttalǵan sharalardyń arqasynda qalada jumyssyzdyq deńgeıi alǵashqy jarty jyldyqta 5% - dan 4,7% - ǵa deıin tómendegen.

«Osy jyldyń 7 aıynda jumys izdep júrgen 43,5 myń qala turǵyny Eńbek mobıldiligi ortalyǵyna júgindi. Onyń ishinde 33 myń adam jumyssyz mártebesin aldy. Jalpy osy kezeńde 31 myń adam jumyspen qamtýdyń belsendi sharalaryna tartylyp, onyń ishinde turaqty jumysqa 4,4 myń adam, sýbsıdııalanatyn jumys oryndaryna 9,8 myń adam jumysqa ornalastyryldy», - dedi Baýyrjan Jaýbasov.

Eske salaıyq, buǵan deıin Almatyda jastar arasyndaǵy jumyssyzdyq deńgeıi tómendegenin jazǵanbyz.