Almatyda jyl basynan beri zańsyz salynǵan 52 nysan buzyldy
ALMATY. KAZINFORM - Almatyda zańsyz qurylys nysandaryna baqylaý kúsheıtildi.
Qala qurylysyn baqylaý basqarmasynyń málimetinshe, qurylys bastalǵan sátten bastap nysan paıdalanýǵa berilgenge deıingi barlyq kezeń baqylaýda bolady.
Jyl basynan beri Almatyda zańsyz salynǵan 52 nysan tolyq nemese ishinara buzylǵan.
Basqarma ókilderiniń aıtýynsha, 2026 jyly 1 shildeden bastap jańa Qurylys kodeksiniń kúshine enýine baılanysty memlekettik sáýlet-qurylys baqylaýy men qadaǵalaý tetikteri de ózgerdi.
Buǵan deıin jeke turǵyn úı qurylysyna jeńildetilgen tártip qoldanylyp, mundaı nysandar basqa qurylys nysandary sekildi tolyq baqylanbaıtyn. Jańa zańnama bul talaptardy ózgertti. Endi ruqsat berý rásimderine, qurylys aldyndaǵy jáne jobalyq daıyndyqqa qoıylatyn talaptar jańartyldy.
- Jer teliminiń bolýy onda kez kelgen maqsattaǵy nemese kez kelgen parametrdegi nysandy salýǵa avtomatty túrde quqyq bermeıdi. Qurylys jer teliminiń nysanaly maqsatyna, qala qurylysy reglamentterine jáne qoldanystaǵy zańnama talaptaryna sáıkes bolýǵa tıis, – dedi Qala qurylysyn baqylaý basqarmasynyń ókilderi.
Eske salsaq, Almatyda zańsyz salynǵan avtokólik jýý orny buzylǵan edi.
