Almatyda jyl basynan beri 94 adam jol apatynan qaza tapqan
ALMATY. KAZINFORM — 2024 jyldyń basynan beri megapolıste jol apatynan 6504 adam zardap shegip, 94 turǵyn qaza tapty.
— Jol-kólik oqıǵalarynyń negizgi sebepteri – júrgizýshiler men jaıaý júrginshilerdiń jol qozǵalysy erejelerin qasaqana buzýy. Osy jyly qalada adam ólimine ákep soqtyrǵan jol apattary men kólikti mas kúıinde basqarǵan 120 júrgizýshi ustaldy jáne qamaýǵa alyndy, – dedi Almaty qalasy PD Anyqtaý basqarmasynyń basshysy Aıan Abdraımov.
Aıtýynsha, Almaty qalasynda jyl basynan beri 5 930 kólik apaty tirkelip, sonyń saldarynan 6504 adam túrli dene jaraqatyn alsa, 94 adam kóz jumdy.
Osyǵan deıin Almaty-Bishkek tas jolyndaǵy jol apatynan 3 adam qaza tapqany týraly jazǵan edik.
Sondaı-aq Almaty oblysynda jol erejesin buzǵan 167 myńnan astam adam anyqtalǵan bolatyn.
Eske salaıyq, Almaty oblysynyń negizgi kúre joldarynda 11 zamanaýı «Suńqar» apparattyq-baǵdarlamalyq kesheni iske qosyldy.