Almatyda jyl basynan beri 13 bala terezeden qulap ketken
ALMATY. KAZINFORM – Almatyda balalardyń turǵyn úılerdiń terezelerinen qulaý derekteri kóbeıgen. Osyǵan oraı, Almaty polıtsııasy ata-analarǵa úndeý jasady.
– Jyl basynan beri Almatyda bala terezeden qulap ketken 13 oqıǵa tirkeldi. Ókinishke qaraı, onyń jeteýi ólimmen aıaqtaldy. Sonymen qatar jaz bastalǵannan beri sýǵa túsý úshin jabdyqtalmaǵan jerlerde úsh kámelettik jasqa tolmaǵan jasóspirim sýǵa batyp ketken. Osyǵan baılanysty Almaty polıtsııa departamenti ata-analardy balalardy qaraýsyz qaldyrmaýǵa, kópqabatty úılerdiń terezelerine tosqaýyl ornatýǵa, tereze mańyna jıhaz ben turmystyq zattardy qoımaýǵa shaqyrady. Zańda balalardyń qaýipsizdigi men densaýlyǵyn qamtamasyz etpegeni úshin jaýapkershilik qarastyrylǵanyn esterińizge salamyz, – dedi Jergilikti polıtsııa qyzmeti basqarmasy bastyǵynyń orynbasary Aıtan Eleýsizov.
Eske salaıyq, buǵan deıin Almatynyń qoǵamdyq kólikteri sońǵy 4 jylda myńǵa jýyq márte jol apatyna ushyraǵanyn jazǵanbyz.
