Almatyda JI boıynsha halyqaralyq olımpıada 16 eldiń oqýshylaryn biriktirdi
ALMATY. KAZINFORM — Almatyda mektep oqýshylary arasynda jasandy ıntellekt boıynsha úshinshi halyqaralyq FAIO 2026 olımpıadasy aıaqtaldy.
Uıymdastyrýshylardyń málimetinshe, bıylǵy jarysqa qyzyǵýshylyq burynǵy jyldarmen salystyrǵanda aıtarlyqtaı artqan. Іrikteý kezeńine 28 elden shamamen 1500 oqýshy qatysyp, 16 memleketten 47 komanda Almaty qalasynda ótken fınalǵa joldama aldy. Qatysýshylar úsh kún boıy mashınamen oqytý, derekterdi taldaý jáne baǵdarlamalaý baǵyttary boıynsha zamanaýı IT-ındýstrııanyń naqty mindetterine negizdelgen praktıkalyq tapsyrmalardy oryndady. Olımpıadanyń júlde qory 11 mıllıon teńge boldy.
Bastama jastardyń ınjenerlik oılaýǵa, zertteý daǵdylaryn jáne ozyq tehnologııalarǵa qyzyǵýshylyǵyn damytýǵa baǵyttalǵan. Tapsyrmalardy jasandy ıntellekt salasyndaǵy tájirıbeli mamandar men zertteýshiler ázirleıdi, al nátıje tıimdilik men sapasy boıynsha baǵalanady.
FAIO keıingi jyldary jasandy ıntellekt salasyndaǵy bolashaq mamandardy erte anyqtaýǵa jáne qoldaýǵa arnalǵan tıimdi alańǵa aınaldy. Onyń negizin qalaýshylar — tanymal JI salasynyń sarapshylary Qýanysh Óteý men Ádilhan Toqtaǵanov.
Eske salaıyq, buǵan deıin qazaqstandyq oqýshylar Grekııada ótken halyqaralyq olımpıadada jeńiske jetti.
