Almatyda jigittermen onlaın tanysqan qyz eki sybaılasymen birge olardy tonaǵan
ALMATY. KAZINFORM – Almatyda er azamattardy tonaýmen aınalysqan qylmystyq top ustaldy.
Qalalyq polıtsııa deparamentiniń málimetinshe, eki er adam men bir qyz kúdikti retinde ustaldy. Qyz er adammen onlaın tanysyp, ony úıine shaqyrǵan. Áńgime barysynda qyzdyń tanystary kelip, jábirlenýshini qorqytyp, onyń jeke zattaryn tartyp alyp, oqıǵa ornynan jasyrynǵan.
- Kúdiktiler izin sýytpaı ustaldy. Olar ýaqytsha ustaý ızolıatoryna qamaldy. Tonaý deregi boıynsha qylmystyq is qozǵaldy. Mundaı qylmystyq tizbek buǵan deıin de qalanyń basqa aýdandarynda tirkelgen. Azamattardy ınternet arqyly tanysý kezinde, ásirese alǵashqy kezdesýlerde, asa muqııat bolýǵa shaqyramyz, – dedi Almaly aýdandyq polıtsııa basqarmasynyń bastyǵy Maqsat Pshan.
Eske salaıyq, buǵan deıin ІІM adam saýdasyna qatysy bar eki qylmystyq topty quryqtady.