Almatyda jigitimen janjaldasqan qyz turǵyn úıdiń 10-qabatynan qulap ketti
ASTANA. KAZINFORM — Almatyda kópqabatty úıdiń 10-qabatynan qulaǵan boıjetken aýyr halde aýrýhanaǵa jetkizildi.
Ótken túni Almatynyń Alataý aýdanyndaǵy turǵyn úı keshenderiniń birinde 20 jastaǵy boıjetken onynshy qabattan qulap ketti. Qulaý kezinde ol birinshi qabattaǵy temir qalqaǵa soǵylyp, keıin jerge túsken kórinedi.
— Zardap shegýshi shuǵyl túrde aýrýhanaǵa jetkizildi. Qazirgi ýaqytta onyń jaǵdaıy aýyr, dárigerler ómirin saqtap qalý úshin bar kúshin salyp jatyr, — delingen Almaty qalalyq polıtsııasy habarlamasynda.
Aldyn ala málimet boıynsha, oqıǵa aldynda boıjetken men onyń jigiti arasynda urys bolǵan. Oqıǵanyń barlyq mán-jaıy jan-jaqty anyqtalyp jatyr.
Buǵan qostanaılyq arý jigitimen janjaldasyp qalyp, ózine qol salmaq bolǵanyn jazǵanbyz.
