Almatyda «Zhetysu» kólik-logıstıkalyq ortalyǵynyń qurylysy jalǵasatyn boldy
ALMATY. KAZINFORM - Almaty qalasynyń prokýratýrasy «Zhetysu» kólik-logıstıkalyq ortalyǵyn salý jónindegi iri ınvestıtsııalyq jobanyń quqyqtyq súıemeldeýin qamtamasyz etti, dep habarlaıdy qalalyq prokýratýranyń baspasóz qyzmeti.
Jobany «Qazaqstan temir joly» ulttyq kompanııasy» AQ-men birlesip «Kazakh-Chinese Trade and Logistics Company (Almaty) Ltd.» jeke kompanııasy iske asyrýda (jobanyń quny 32,5 mlrd. teńge, 130 jumys ornyn kózdelgen).
Investor jer ýchaskesiniń nysanaly maqsatyn ýaqtyly ózgertý problemasyna tap boldy. Bul máseleniń sheshilmeýi memlekettik saraptamadan ótýge kedergi keltirdi jáne jobany iske asyrýdyń belgilengen merzimderine qaýip tóndirdi.
Prokýrorlyq súıemeldeý sheńberinde osy problemany sheshý sharalary qabyldandy.
Nátıjesinde ınvestorlar jerdiń nysanaly maqsatyn ózgertý týraly qaýly aldy, bul ınvestıtsııalyq jobany iske asyrýdy jalǵastyrýǵa múmkindik berdi.
Qala prokýratýrasy Almatyda qolaıly ınvestıtsııalyq ahýal qalyptastyrý máselelerin baqylaýda ustaýdy jalǵastyrýda.
Osyǵan deıin prokýratýranyń yqpalymen Qostanaı oblysyndaǵy aýylda aýyz sý tarıfi 45 eseden astam tómendetildi.
