Almatyda Jetisý kóshesiniń bir bóligi ýaqytsha jabylady
ALMATY. KAZINFORM – Jetisý kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi.
Atap aıtqanda, 8 sáýir kúni saǵat 8:00-den 20 sáýir kúni saǵat 8:00-ge deıin Maqataev kóshesinen ıAnýshkevıch kóshesine deıingi aralyqta qozǵalys ishinara shekteledi.
– Jóndeý júrgizilip jatqan aýmaqta eskertý belgileri men merdiger uıym basshysynyń baılanys derekteri kórsetilgen aqparattyq taqtalar ornatylady. Júrgizýshilerden baǵytyn aldyn ala josparlaýdy suraımyz, – delingen habarlamada.
Eske salaıyq, buǵan deıin Almatydaǵy Jamaqaev jáne Zenkov kósheleriniń bir bóligi ýaqytsha jóndeýge jabylatynyn habarlaǵan edik.
Al onyń aldynda Stroıtelnaıa kóshesinde qozǵalys jazǵa deıin shekteletinin jazdyq.
