Almatyda Jetisý aýdandyq HQO mekenjaıy aýysty
ALMATY. KAZINFORM – Almatyda Jetisý aýdandyq HQO jańa mekenjaıda jumys isteıtin bolady.
«Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıaly Jetisý aýdandyq halyqqa qyzmet kórsetý bóliminiń jańa mekenjaıǵa kóshetinin habarlady. 12 qazannan bastap atalǵan HQO Almaty qalasy, Soltústik aınalma kóshesi, 3-úı, «Adem» saýda úıi mekenjaıynda qyzmet kórsetedi.
- HQO-nyń jumys kestesi ózgerissiz qalady. Dúısenbi men juma aralyǵynda saǵat 09:00-den 18:00-ge deıin azamattardy qabyldaıdy. Senbi jáne jeksenbi – demalys kúnderi, - dep habarlady korporatsııa fılıaly.
Eske salaıyq, qazan aıynan bastap qalada kezekshi halyqqa qyzmet kórsetý ortalyqtary aýysty. Kezekshi HQO retinde Nurkent shaǵynaýdany, 5/17 úı mekenjaıy boıynsha ornalasqan Alataý aýdandyq halyqqa qyzmet kórsetý ortalyǵy men Shuǵyla shaǵynaýdany, 347/1 mekenjaıynda ornalasqan Naýryzbaı aýdandyq halyqqa qyzmet kórsetý ortalyǵy jumys istep jatyr. Bul ortalyqtar qyzmet alýshylardy jumys kúnderi saǵat 9:00-den 20:00-ge deıin, senbi kúni 13:00-ge deıin qabyldaıdy.
Sondaı-aq, Aqqaınar kóshesi, 1 jáne Aqsýat kóshesi, 118 mekenjaılarynda ornalasqan eki mamandandyrylǵan halyqqa qyzmet kórsetý ortalyǵy qyzmet alýshylardy qabyldaıdy. Eki ortalyq jumys kúnderi saǵat 9:00-den 20:00-ge deıin úzilissiz qyzmet kórsetedi. Memlekettik qyzmetterdi alý úshin ótinishter 18:00-ge deıin qabyldanady. Senbi kúni qujattar 9:00-den 12:00-ge deıin qabyldanyp, daıyn qujattar 13:00-ge deıin beriledi.
Qalanyń qalǵan HQO-lary jumys kúnderi saǵat 9:00-den 18:00-ge deıin jumys isteıdi, senbi – demalys kúni.
Jalpy jyl basynan beri Almaty qalasynyń turǵyndary halyqqa qyzmet kórsetý ortalyqtary arqyly 1,2 mıllıonnan astam memlekettik qyzmet aldy.
