Almatyda jetkizýshi robottar men júrgizýshisiz kólik tehnologııalary testilene bastady
ASTANA. KAZINFORM — Almatyda júrgizýshisiz kólik tehnologııalaryn odan ári damytý úshin qajetti jetkizýshi robottar men avtokóliktik kartografııalaý tehnologııalaryn iske qosý rásimi ótti. Bul týraly Kólik mınıstrligi málim etti.
Іs-sharaǵa QR Premer-Mınıstriniń orynbasary — Jasandy ıntellekt jáne tsıfrlyq damý mınıstri Jasulan Mádıev, Almaty qalasynyń ákimi Darhan Satybaldy, Kólik vıtse-mınıstri Damır Qojahmetov, Quryltaı depýtattary Ekaterına Smyshlıaeva men Abaı Altaı, sondaı-aq bıznes-qoǵamdastyq ókilderi qatysty.
Іs-shara aıasynda jetkizýshi robottyń kómegimen alǵashqy tapsyrys rásimdeldi. Yandex Qazaqstan ókilderi tehnologııanyń qalalyq ortada jumys isteý tártibin kórsetti.
— Robot jergilikti jerde ózdiginen baǵdarlanyp, qozǵalys baǵytyn qurady, kedergilerdi anyqtap, qaýipsiz qozǵalys traektorııasyn tańdaıdy. Sondaı-aq robottyń baǵdarshamdarmen ózara árekettesýi, joldy kesip ótýi jáne qalalyq ınfraqurylym jaǵdaıynda qozǵalysy kórsetildi, — delingen habarlamada.
Kelesi kezeńde kartografııalaý kóligin iske qosý júzege asyryldy. Arnaıy jabdyqtalǵan avtomobılder Almaty kóshelerimen qozǵalyp, qalanyń joǵary dáldiktegi tsıfrlyq kartasyn jasaýǵa kiristi.
Mundaı karta júrgizýshisiz kólikti, onyń ishinde robotaksı tehnologııasyn odan ári damytý úshin qajet. Avtomobılder lıdarlar men kameralardy qosa alǵanda, sensorlar keshenimen jabdyqtalǵan. Qozǵalys barysynda olar jol ınfraqurylymy týraly — jol tańbalary, baǵdarshamdar, jol belgileri, qıylystar jáne basqa da nysandar jónindegi derekterdi jınaıdy.
Jınalǵan aqparat negizinde jol qozǵalysy ortasynyń egjeı-tegjeıli tsıfrlyq modeli qalyptastyrylady. Ol aldaǵy ýaqytta júrgizýshisiz kólik júıelerinde paıdalanylýy múmkin.
Qazaqstanda avtonomdy kólikti engizý jónindegi pılottyq jobany iske asyrý qaǵıdalary qalyptastyryldy. Olar mundaı tehnologııalardy naqty jaǵdaılarda synaqtan ótkizýge jáne sonymen qatar olardy retteý tásilderin jetildirýge múmkindik beredi.
Almatynyń joǵary dáldiktegi kartasyn jasaý — qajetti tehnologııalyq ınfraqurylymdy qalyptastyrý kezeńderiniń biri.
Qazaqstanda avtonomdy kólikti damytý kezeń-kezeńimen júzege asyrylady. Negizgi nazar tehnologııalardy testileýge, qozǵalystyń naqty stsenarıılerin taldaýǵa jáne retteý tetikterin jetildirýge baǵyttalady. Bul rette jańa sheshimderdi engizýdiń basty sharty — adamdardyń qaýipsizdigin qamtamasyz etý.
Aıta keteıik, Astana, Almaty jáne Qosshyda júrgizýshisiz júretin kólikter synaqtan ótedi.
