Almatyda jeti kólik túsken jol apatynan zardap shekkenderdiń jaǵdaıy qalaı

Almatyda Abaı dańǵylynda bolǵan jol apatynan soń tórt adam №7 qalalyq klınıkalyq aýrýhanaǵa jetkizildi, dep habarlaıdy QazAqparat tilshisi.

Almaty qalalyq qoǵamdyq densaýlyq saqtaý basqarmasynyń málimetinshe, jol apatynan zardap shekken bir adam aýrýhanaǵa jatqyzylǵan, qalǵandaryn ambýlatorııalyq emdelýge jiberdi. 

«Bir adam Almaty qalasynyń № 7 klınıkalyq aýrýhanasyndaǵy № 2 neırohırýrgııa bólimshesine jatqyzyldy. Oǵan jabyq mı jaraqaty, jeńil dárejedegi mı jaraqaty, bastyń kógergen jarasy, sondaı-aq, oń tize býynynyń jumsaq tininiń jaraqaty dıagnozy qoıyldy. Qalǵandary ambýlatorııalyq emdelýge jiberildi», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.

Eske salsaq, búgin túnde 19 jastaǵy «karsherıng» júrgizýshisi Abaı dańǵylynda turaqta turǵan alty kólikti soqty. 

Saldarynan tórt adam zardap shekken edi