Almatyda jerastynan tabylǵan zerthanada 140 mln teńgeniń esirtkisi ázirlengen

ALMATY. KAZINFORM – Almaty qalasy boıynsha UQK departamenti prokýratýranyń úılestirýimen sıntetıkalyq esirtki óndirý boıynsha jerasty zerthanasy áreketiniń jolyn kesti.

«Bıyl 16 mamyrda ońtústik astananyń jeke úıleriniń birinde psıhotroptyq zattardy daıyndaý protsesinde Qazaqstannyń eki azamaty ustaldy.

Tintý barysynda 7 kg «mefedron» psıhotroptyq zaty jáne 200 lıtr prekýrsorlar, sondaı-aq esirtki quraldaryn daıyndaýǵa arnalǵan jabdyqtar alyndy.

Tabylǵan esirtkiniń quny «qara» naryqta shamamen 140 mln teńgeni quraýy múmkin», — dep jazdy quzyrly organnan.

Tergeý málimetteri boıynsha, ustalǵan adamdar sheteldik ınternet-dúkenderdiń biriniń múddesi úshin «varşıkter» dep atalatyndar retinde jumys istegen.

Sottyń sanktsııasymen olarǵa qamaýda ustaý túrindegi bultartpaý sharasy tańdaldy.

Qylmystyq Kodekstiń 297-babynyń 3-bóligi boıynsha sotqa deıingi tergep-tekserý júrgizilýde.

QR Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.