Almatyda jer silkinisinen jaryqshaq túsken úılerdi turǵyndar ózi jóndeıdi
ALMATY. KAZINFORM — 23 qańtardan beri turǵyndardan jer silkinisinen keıin úıinde jaryqshaq paıda bolǵany týraly 188 shaǵym túsken, onyń 70-i — kópqabatty úılerde. Bul týraly Almaty ákiminiń orynbasary Asqar Ámrın aıtty.
Asqar Ámrınniń sózinshe, bul adam ómirine qaýip tóndirmeıdi. Quramyna ákimdik ókilderi men sarapshylar kirgen jumys tobynyń baǵalaýynan keıin osyndaı qorytyndy shyǵarylǵan.
Jer silkinisinen zardap shekken áleýmettik ınfraqurylym nysandary bıýdjet qarajaty esebinen jóndeledi.
«Kópqabatty turǵyn úı kesheni, kondomınıým nysandary aǵymdaǵy jóndeý jumysyn júrgizip, óz qarajaty esebinen bul jaryqshaqtardy jabady. Áleýmettik ınfraqurylymǵa jatatyn nysandar bıýdjet qarajaty esebinen belgilengen tártippen qalpyna keltiriledi», — dedi Asqar Ámrın Almaty qalasyn josparlaý jobasyn tanystyrý barysynda.
Sondaı-aq ol osy aıda Qazaq qurylys jáne sáýlet ǵylymı-zertteý jáne jobalaý ınstıtýtynyń (QazQSǴZI) sarapshylary búkil 188 nysanǵa saraptama júrgizip, resmı qorytyndy beretinin aıtty.
