Almatyda jer silkinisinen qandaı oqý oryndary zardap shekti
ALMATY. KAZINFORM — Áleýmettik jelide ál-Farabı jáne Abaı atyndaǵy ýnıversıtet ǵımarattarynyń búlingeni túsirilgen vıdeo paıda boldy.
4 naýryzda bolǵan jerasty dúmpýinen ál-Farabı atyndaǵy Qazaq ulttyq ýnıversıtetindegi ekonomıka jáne joǵary bıznes fakýltetiniń 2-qabatyndaǵy qabyrǵalaryna jaryqshaq túsken.
Vıdeony stýdentter júktegenimen, JOO ákimshiligi ázirge naqty túsinikteme bermedi.
«Aqparat naqtylanǵan joq. Ǵımarattarǵa eshkim kirmedi. Stýdentter úılerine qaıtaryldy»,- dep habarlady JOO baspasóz qyzmetirnen.
Al, Abaı atyndaǵy Qazaq ulttyq pedagogıkalyq ýnıversıtetiniń ákimshiligi jer silikinisi saldarynan oqý ǵımarattary men jataqhanalarda jaryqtar paıda bolǵanyn rastady.
«Jer dúmpýinen oqý ǵımarattary men jataqhanalardyń keıbir jerlerin de bolar bolmas jaryqtar paıda boldy, biraq aıtarlyqtaı zaqymdanýlar anyqtalǵan joq. Vıdeoda ýnıversıtettiń 425 aýdıtorııasy kórsetilgen. Onda aspaly tóbeniń birneshe jeńil taqtaıshasy qulady. Qazirgi ýaqytta tóbeniń zaqymdanǵan jerin jóndeý jumystary júrgizilip jatyr», - dedi Qoǵammen baılanys departamentiniń dırektory Rımma Abdyqadyrqyzy.
Sonymen qatar, ol jer silkinisiniń alǵashqy belgilerinen keıin stýdentter men qyzmetkerler ǵımarattan dereý evakýatsııalanyp, syrtqa shyǵarylǵanyn jetkizdi.
«Búgingi jaǵdaıǵa baılanysty stýdentter sabaqtan bosatyldy. Jataqhanalarda stýdentterdiń qaýipsizdigin qamtamasyz etý úshin arnaıy kezekshilik uıymdastyrylyp, tıisti sharalar qabyldandy»,- dep atap ótti Joǵary oqý ornynyń ókili.
