Almatyda jer silkinisi kezinde úsh adam kópqabatty úıdiń terezesinen sekirdi

ALMATY. KAZINFORM – Almatyda jer silkinisi nátıjesinde 8 adam zardap shekti, bir turǵynyń jaǵdaıy aýyr.

Almaty qalalyq densaýlyq saqtaý basqarmasynyń málimetinshe, túngi saǵat 03:00-tegi jaǵdaı boıynsha 8 adam zardap shekti. Olar birden qalalyq aýrýhanaǵa jetkizildi.

«Jaraqat alǵan úsh adam turǵyn úılerdiń 2 jáne 3 qabatynan sekirgen. Medıtsınalyq tekseristen keıin ekeýi ambýlatorııalyq emdelýge jiberildi. Úshinshi naýqastyń jaǵdaıy aýyr, qazir ol aýrýhanada jatyr», - dep habarlady basqarmadan.

Sondaı-aq, úıden júgirip shyqqan bes adam jaraqat aldy. Barlyq qajetti medıtsınalyq kómek kórsetilgennen keıin olar da ambýlatorııalyq emdeýge jiberiledi.

Buǵan deıin basqarma ókilderi emdeý mekemelerine turǵyndardyń júginbegenin jetkizgen edi.