Almatyda jer silkinisi kezinde halyqty qulaqtandyratyn Cell Broadcast tehnologııasy engiziledi
ASTANA. KAZINFORM – Almatyda jer silkinisi kezinde halyqty qulaqtandyrýdyń Cell Broadcast tehnologııasy engiziledi. Bul týraly búgin Úkimet otyrysynda Almaty qalasynyń ákimi Erbolat Dosaev aıtty.
«Memleket basshysynyń bıyl 25 qańtardaǵy mobıldi qurylǵylar arqyly halyqty shuǵyl jappaı qulaqtandyrý júıesin engizý jónindegi tapsyrmasy aıasynda Almaty qalasy ákimdigi pılottyq rejımde Tsıfrlyq damý, ınnovatsııalar jáne aeroǵarysh ónerkásibi mınıstrligi jáne Tótenshe jaǵdaılar mınıstrligimen birlesip, qala turǵyndaryn tótenshe jaǵdaı jóninde jedel habardar etý maqsatynda osy jyldyń mamyr aıynyń sońyna deıin 475 mln teńge bólingen Cell Broadcast tehnologııasyn paıdalana otyryp, Mass Alert qaǵıdaty boıynsha halyqty jedel qulaqtandyrý júıesin engizýdi josparlap otyr», - dedi Erbolat Dosaev.
Onyń aıtýynsha, Cell Vroadcast tehnologııasynyń dástúrli SMS-ten aıyrmashylyǵy jelige qosymsha júkteme jasamaıdy jáne bazalyq stantsııalardyń antennalaryn qamtý aımaǵynda ornalasqan barlyq abonentter úshin jedel jáne jappaı taratýǵa, habarlaý ýaqyty men jıiligin qamtamasyz etýge múmkindik beredi.
