Almatyda jer silkinisi qaıtalanýy múmkin — Nurlan Atyǵaev
ALMATY. KAZINFORM — Qazirgi ýaqytta jer dúmpýiniń qaıtalaný qaýpi saqtalyp otyr. Bul týraly Almaty qalalyq tótenshe jaǵdaılar departamentiniń basshysy Nurlan Atyǵaev málim etti.
«Almaty qalalyq tótenshe jaǵdaılar departamentinde arnaıy shtab quryldy. Dál qazirgi ýaqytta jer dúmpýiniń qaıtalaný qaýpi áli de saqtalady. Aftershok. Búkil qala turǵyndary men qonaqtaryn sabyr saqtap, jaqyn ornalasqan halyqty qabyldaý pýnktine barýlaryńyzdy suraımyz», — dedi Nurlan Atyǵaev.
Aıta keteıik, búgingi jer silkinisi Almatyda — 5 ball, Jetisý oblysynda — 2 ball kóleminde sezildi.
Almaty qalasy TJD jeke quramy «Jıyn» sıgnaly boıynsha kóterildi.
Zardap shekkender týraly aqparat túsken joq. Jer silkinisiniń saldary týraly aqparat jınalyp jatyr.
TJM jedel jelini iske qosty.
