Almatyda jer silkindi
ALMATY. KAZINFORM — Almaty halqy 4 qarashada shamamen 12:45–te jer silkinisin sezdi.
Artynsha turǵyndarǵa jer silkinisi týraly eskertý keldi.
— Almaty qalasy aýmaǵynda jer silkinisi, — delingen habarlamada.
QR TJM «Seısmologııalyq zertteý ınstıtýty» JShS seısmıkalyq stantsııalar jelisi 2025 jylǵy 4 jeltoqsanda Astana ýaqytymen 12:45-te jer silkinisin tirkedi.
Zardap shekkender men qıraýlar týraly málimet túsken joq.
Jer asty dúmpýiniń oshaǵy Almatydan ońtústik-shyǵysqa qaraı 277 shaqyrym jerde, Qytaı aýmaǵynda ornalasqan.
Seısmologtardyń málimetinshe, jer silkinisiniń magnıtýdasy MPV 6.7, tereńdigi – 5 shaqyrym.
Almatyda jáne oblystyń birneshe eldi mekeninde jer silkinisi MSK-64 shkalasy boıynsha 2-3 ball deńgeıinde sezildi.
Eseptik qarqyndylyq (ballmen) tómendegideı boldy:
• Almaty qalasy – 3 ball, 277 shaqyrym;
• Almaty oblysy, Talǵar qalasy – 3 ball, 271 shaqyrym;
• Almaty oblysy, Qaskeleń qalasy – 3 ball, 283 shaqyrym;
• Almaty oblysy, Alataý (Jetigen) qalasy – 2 ball, 314 shaqyrym;
• Almaty oblysy, Qonaev qalasy – 2 ball, 336 shaqyrym;
• Jetisý oblysy, Jarkent qalasy – 2 ball, 374 shaqyrym;
• Jetisý oblysy, Taldyqorǵan qalasy – 2 ball, 444 shaqyrym;
• Jambyl oblysy, Shý qalasy – 2 ball, 476 shaqyrym.
Eske salaıyq, 23 qazan kúni Almaty turǵyndaryna jer silkinisine baılanysty eskertý keldi.