Almatyda jer nelikten jasyl túske boıalyp jatyr - ákimdik jaýap berdi
ALMATY. KAZINFORM - Almaty ákimdigi jol boıyndaǵy jasyl túske boıalǵan jerler týraly jelidegi sýretterge túsinikteme berdi.
Qala ákimdiginiń málimetinshe, Jarokov, Jandosov, Sátbaev kósheleri men ál-Farabı dańǵyly boıynda jol bóligi men trotýar arasyndaǵy jasyl aımaqtardy kógaldandyrý boıynsha josparly jumystar júrgizilip jatyr. Munda kógaldandyrý úshin gıdrosebý ádisi qoldanylǵan.
- Gıdrosebý – gazon shóbiniń tuqymyn gıdroegý qurylǵysy arqyly sebý tásili. Bul ádiste tuqym tabıǵı jasyl boıaǵyshpen gıdrogel, bekitkish, sıntetıkalyq talshyqtar, topyraq jaqsartqyshtar jáne tyńaıtqyshtar aralastyrylǵan qospa túrinde daıyndalady. Bul shópti tegis emes jerlerde jáne úlken kólemde otyrǵyzýǵa múmkindik beretin zamanaýı kógaldandyrý tehnologııasy. Mundaı ádispen qala saıabaqtary men skverleri kógaldandyrylady, - dep habarlady ákimdikten.
Eske salaıyq, buǵan deıin Almaty oblysynda zırattyń qulyptastaryn qıratqan kúdikti ustalǵanyn jazǵanbyz.
