Almatyda jer qozǵalysyn tirkeıtin stantsııalar jetkilikti me
ALMATY.KAZINFORM – Almaty óńirinde 40-qa jýyq seısmıkalyq stantsııalar jumys isteıdi.Alaıda, bul stantsııalar sany megapolıs úshin jetkiliksiz.Bul týraly Kazinform agenttigine Seısmologııalyq baıqaý jáne zertteýler ulttyq ǵylymı ortalyǵy dırektorynyń ǵylym jónindegi orynbasary Elızaveta Esenjigitova aıtty.
Spıkerdiń sózinshe,seısmıkalyq stantsııalar - jer qyrtysynyń tereń qabattarynda týyndap,ártúrli kúshpen bolatyn dúmpýlerdi tirkeıdi. Stantsııalardan alynǵan derekter boıynsha bolǵan jer silkinisiniń parametrleri jáne onyń qandaı jaǵdaıda týyndaǵany anyqtalady.
«Jer silkinisinyń kúshi neǵurlym joǵary bolsa jer silkinisi turaly tolyq qandy qajet málimetter alýǵa birneshe stantsııalar jetkilikti.Jer silkinisiniń kúshi tómen bolǵan jaǵdaıda birneshe stantsııadan alynǵan derekter jetkiliksiz.Shaǵyn,álsiz jer silkinisiterin tirkeý seısmıkalyq stantsııalardyń sanynyń kóptigin qajet etedi.Shaǵyn dúpýler jer astynda bolyp jatqan seısmıkalyq qubylystardyń týyndaý erekshelikteri men damý zańdylyqtaryn aıqyndaýǵa múmkindik beredi.Sondyqtan tek quraldar arqyly tirkeletin shaǵyn jáne álsiz terbelisterdi anyqtaý múmkin bolatyn kúshti jer silkinisin boljaýǵa óte qajet málimetter bolyp tabylady», –deıdi maman.
Sonymen qatar,ol Almaty óńiriniń jer silkinisine óte qaýipti aımaq ekenin eskersek aımaqta seısmıkalyq stantsııalar sany kóp bolǵany abzal ekenin atap ótti.
«Qazirgi kezde, Almaty óńirinde 40 seısmıkalyq stantsııa jumys isteıdi. Alaıda, joǵarǵyda aıtqandaı bul stantsııalar sany Almaty aımaǵy úshin jetkiliksiz», – deıdi Elızaveta Esenjigitova.
Buǵan deıin, spıker Almatyda 7 baldan joǵary jer silkinisi bolý yqtımaldyǵy tómen ekenin jetkizgen bolatyn.
