Almatyda jeltoqsanshylarǵa birjolǵy tólem 400 myń teńgege ulǵaıtylady
ALMATY. KAZINFORM — Almatyda qalalyq máslıhattyń kezekten tys sessııasy ótti.
Sessııa barysynda Almaty qalasy máslıhatynyń 2023 jylǵy 8 jeltoqsandaǵy № 73 «Almaty qalasynda áleýmettik kómek kórsetý qaǵıdalaryn bekitý, onyń mólsherlerin belgileý jáne muqtaj azamattardyń jekelegen sanattarynyń tizbesin aıqyndaý týraly» sheshimine ózgerister engizý máselesi qaraldy.
Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov keı áleýmettik tólemderdi qysqartý esebinen únemdelgen qarajatqa jeltoqsanshylarǵa taǵaıyndalatyn tólemdi ulǵaıtýdy usyndy.
— El aldyndaǵy eńbekteri úshin Almaty qalasy ákiminiń tapsyrmasymen 1986 jylǵy jeltoqsan oqıǵasyna qatysýshylarǵa beriletin birjolǵy áleýmettik tólemdi 250 myńnan 400 myń teńgege deıin arttyrý usynylady. Bul — 786 adam. Eger bul usynys qoldaý tapsa, bıylǵy jeltoqsan aıynda olar osyndaı kólemde tólem alady, — dedi ol.
Almaty máslıhatynyń depýtattary atalǵan usynysqa qoldaý bildirdi.
Eske salaıyq, 2023 jyly Almatyda jeltoqsanshylarǵa bir rettik tólem 150 myńnan 250 myń teńgege ulǵaıtylǵan bolatyn.
