Almatyda «Jeltoqsan – táýelsizdik jańǵyryǵy» kórmesi ashyldy
Almatydaǵy ortalyq mýzeıde Táýelsizdik kúnine oraı «Jeltoqsan - Táýelsizdik jańǵyryǵy» atty kórme ashyldy, dep habarlaıdy Kazinform.
Mýzeı qorynda Jeltoqsan oqıǵasyna qatysty 200-ge jýyq jádiger bar. Sonyń birazy kórmege qoıylǵan. Derekti materıaldar, Jeltoqsan oqıǵasyna qatysýshylardyń qujattary, fotosýretteri jáne osy tarıhı oqıǵa týraly jazylǵan kitaptar sol qaharly kúnderden syr shertip tur.
Kórme jáne ekspozıtsııalardy uıymdastyrý bóliminiń jetekshisi Aıgúl Mýsınanyń aıtýynsha, eksponattardyń qatarynda KSRO Halyq ártisi Ázerbaıjan Mámbetovtiń kóteriliske qatysqanyn dáleldeıtin qanǵa boıalǵan kıimderi de bar.
«Kórmege kelýshiler óz kózderimen Qaırat Rysqulbekovke qatysty qujattar, atý jazasyna kesý týraly úkimi, ákesiniń joǵarǵy sotqa jazǵan haty, sondaı-aq Erbol Spataevtyń, Myrzaqul Ábdiqulov, Baýyrjan Shuǵylov taǵy basqa Jeltoqsan qaharmandarynyń fotosýretterin kóre aldy», - deıdi ol.
Resmı derekterge súıensek, beıbit sherýge qatysamyz dep kelgen 30 myńnan astam adamnyń 8 515-in quqyq qorǵaý organdary ustaǵan.
