Almatyda Jeltoqsan kóshesiniń bir bóligi ýaqytsha jóndeýge jabylady
ALMATY. KAZINFORM – Jeltoqsan kóshesinde BRT jobasyn júzege asyrý aıasynda qurylys-montajdaý jumystaryn júrgizýge baılanysty kólik qozǵalysyna ýaqytsha shekteý engiziledi.
Ákimdikten málim etkendeı, búgin 2 shildede saǵat 08:00-den 22:00-ge Gogol kóshesinen Raıymbek batyr dańǵylyna deıingi jolda kólik qozǵalysy ýaqytsha toqtatylady. Bul aýmaqty Naýryzbaı batyr kóshesi men Abylaı han dańǵyly arqyly aınalyp ótýge bolady.
– Jóndeletin ýchaskede eskertý belgileri, merdiger uıym basshysynyń baılanys nómiri jazylǵan taqta qoıylady. Marshrýtty aldyn ala josparlaýdy suraımyz, – delingen habarlamada.
Osyǵan deıin Almatyda Abaı dańǵyly men Markov kóshesi eki aıǵa jabylatyny týraly jazǵanbyz.
Jalpy, bıyl qala boıynsha 39 shaqyrym jylý jelisin qaıta jańartý josparlanǵan. Bul jelilerdiń tozý deńgeıin 54%-ǵa deıin tómendetýge múmkindik beredi.