Almatyda Jeltoqsan kóshesiniń bóligi 1 kúnge jabylady
ALMATY. KAZINFORM – Almatyda Jeltoqsan kóshesiniń bir bóligi ýaqytsha jóndeýge jabylady.
Almaty ákimdiginiń málimetinshe, Jeltoqsan kóshesinde BRT jelisiniń qurylys-montajdaý jumysynyń júrgizilýine baılanysty 24 maýsym kúni saǵat 08.00-den 22.00-ge deıin Shevchenko kóshesinen Tóle bı kóshesine deıingi aralyqta qozǵalys ýaqytsha jabylady. Bul aýmaqty Abylaı han dańǵyly men Naýryzbaı batyr kóshesi arqyly aınalyp ótýge bolady.
- Jóndeý jumysy júrgiziletin ýchaskege eskertý belgileri, merdiger uıymnyń baılanys aqparaty bar taqta qoıylady. Baǵytty aldyn ala josparlaýdy suraımyz, - dep habarlady ákimdikten.
Eske salaıyq, 31 mamyrdan 20 shildege deıin Bógenbaı batyr kóshesiniń bir bóligi, 31 mamyrdan 30 maýsymǵa deıin Túrksib aýdanynda Kotelnıkov kóshesiniń bir bóligi jabyldy.
Sondaı-aq 1 maýsymnan bastap 20 tamyzǵa deıin Sátpaev kóshesimen Masanchı kóshesinen bastap Baıtursynov kóshesine deıin eki baǵytta qozǵalys shekteldi. 2 maýsymnan bastap 20 tamyzǵa deıin Ǵabdýllın kóshesinde Rımskıı-Korsakov kóshesinen bastap Nahımov kóshesine deıin eki baǵytta qozǵalys shekteldi.
Odan bólek Almatyda ıAssaýı kóshesiniń bir bóligi 1 aıǵa jýyq jabyldy.