Almatyda jeliden tapsyrma alǵan oqýshy qyz mektepke baltamen kelgen
ALMATY. KAZINFORM – Almatyda oqýshy qyz mektepke balta alyp kelgen.
Qazir atalǵan derek boıynsha Almaty qalasy Jetisý aýdanynyń polıtsııa basqarmasy sotqa deıingi tergep-tekserý júrgizip jatyr.
Polıtsııa málimetinshe, kámeletke tolmaǵan jasóspirim áleýmettik jelilerden nusqaýlyq alyp, zańsyz áreket jasaýǵa bekingen.
- Polıtsııa qyzmetkerleriniń ýaqtyly qabyldaǵan sharalarynyń nátıjesinde zańsyz árekettiń joly kesilip, onyń júzege asýyna jol berilgen joq. Qazirgi ýaqytta tergep-tekserý aıasynda oqıǵanyń barlyq mán-jaıy, sondaı-aq jasóspirimdi quqyqqa qarsy áreketterge tartýy múmkin tulǵalar anyqtalyp jatyr, - dep habarlady polıtsııadan.
Sonymen qatar kámeletke tolmaǵan jasóspirimniń zańdy ókilderine qatysty bala tárbıesi jónindegi mindetterdi tıisinshe oryndamaý faktisi boıynsha sotqa deıingi tergep-tekserý bastaldy.
Eske salaıyq, buǵan deıin Aqtóbede mektep oqýshysy óz-ózine qol jumsady.
