Almatyda jelatın men kollagen óndiretin zaýyttyń qurylysy bastaldy
ASTANA.KAZINFORM - Túrkııalyq ınvestıtsııalyq-ónerkásiptik Iskefe Holding toby taǵamdyq jelatın men kollagen óndirýge arnalǵan óndiristik keshenniń qurylysyn bastady. Bul týraly Aýyl sharýashylyǵy mınıstrligi habarlady.
Joba Almaty qalasynda Iskefe Holding quramyna kiretin Halavet KZ enshiles kompanııasy arqyly qolǵa alynyp jatyr. Investıtsııanyń jalpy kólemi 60 mln AQSh dollaryn quraıdy, bul sheteldik ınvestorlar tarapynan Qazaqstannyń ónerkásiptik áleýetine degen qyzyǵýshylyqtyń joǵary ekenin kórsetedi.
Jańa zaýytta zamanaýı tehnologııalardy qoldanýmen qatar, halyqaralyq sapa standarttary men ekologııalyq qaýipsizdik talaptaryn qatań saqtaı otyryp, taǵam, farmatsevtıka jáne kosmetıka salalaryna arnalǵan ónimder óndirý jolǵa qoıylady.
Ol Qazaqstannyń ishki naryǵyn qamtamasyz etýge jáne eksportqa baǵyttalatyn bolady.
Investıtsııalyq joba mal sharýashylyǵy ónimderin qaıta óńdeý salasyndaǵy tapshylyqty joıýǵa, ishki qosylǵan qundy arttyrýǵa, sondaı-aq tikeleı sheteldik ınvestıtsııalardy tartýǵa baǵyttalǵan.
Jobanyń iske asyrylýy ónerkásip sektoryn ornyqty damytýǵa jáne Qazaqstannyń eksporttyq áleýetin nyǵaıtýǵa eleýli úles qosady dep josparlanǵan.
Aıta keteıik, sheteldik ınvestorlar Aqtóbede alkogolsiz sýsyn óndiretin zaýyt salady.
Túrkistan oblysynda bıdaı óńdeıtin zamanýı zaýyt jańǵyrtylyp, iske qosyldy.
Qazaqstanda farmatsevtıkalyq ónim shyǵaratyn 4 zaýyt salynady.