Almatyda jeksenbi kúni júgirý jarysyna baılanysty birneshe kóshe jabylady
ALMATY. KAZINFORM — 15 qarasha, jeksenbi kúni Almatyda City Run jarysy ótedi. Osyǵan baılanysty jarys ótetin kúni qalanyń keıbir kóshelerinde kólik qozǵalysy ýaqytsha shekteledi.
Almaty ákimdiginiń málimetinshe, júgirý jarysyna baılanysty saǵat 08:00–den 10:00–ge deıin marshrýt boıyndaǵy keıbir kóshelerde kólik qozǵalysy shekteledi.
Jarys «Astana» alańynan bastalyp, osy jerde aıaqtalady. Osyǵan baılanysty 15 qarasha kúni saǵat 04:00–den 12:00–ge deıin Tóle bı kóshesiniń Nazarbaev dańǵylynan Abylaı han dańǵylyna deıingi bóligi tolyq toqtatylady.
Kósheler saǵat neshede jabylmaq?
* Saǵat 08:00–den 10:00–ge deıin — Tóle bı kóshesiniń Abylaı han dańǵylynan Naýryzbaı batyr kóshesine deıingi bóligi;
* Saǵat 08:00–den 10:00–ge deıin Naýryzbaı batyr kóshesiniń Tóle bı kóshesinen Qurmanǵazy kóshesine deıingi bóligi;
* Saǵat 08:00–den 09:35–ke deıin Bógenbaı batyr kóshesiniń Naýryzbaı batyr kóshesinen Nazarbaev dańǵylyna deıingi bóligi;
* Saǵat 08:00–den 09:15–ke deıin Qabanbaı batyr kóshesiniń Naýryzbaı batyr kóshesinen Nazarbaev dańǵylyna deıingi bóligi;
* Saǵat 08:00–den 08:55–ke deıin Shevchenko kóshesiniń Naýryzbaı batyr kóshesinen Nazarbaev dańǵylyna deıingi bóligi;
* Saǵat 08:00–den 08:35–ke deıin Qurmanǵazy kóshesiniń Naýryzbaı batyr kóshesinen Nazarbaev dańǵylyna deıingi bóligi tolyq jabylady.
Jol jabý ýaqyty jarysqa qatysýshylardyń júgirý qarqynyna qaraı eseptelgen. Sportshylar ótken jol bólikteri birtindep kólik qozǵalysyna qaıta ashylady.
Eske salsaq, Almatyda jańa metro qurylysyna baılanysty Alataý dańǵyly jabylatynyn habarladyq.
