Almatyda jeksenbi kúni marafonǵa baılanysty birneshe jol jabylady

Bıyl marafonǵa 60-tan astam elden 16 myń adam keledi.

Marafon ótetin jol ýchaskelerinde kólik qozǵalysy saǵat 06:00-den 13:30-ǵa deıin shekteledi. Qatysýshylardyń ótýine qaraı joldar kezeń-kezeńimen ashylady.

Marafonnyń bastalatyn jeri – Abaı alańy, al máresi Respýblıka alańynda.

Jarysty ótkizý kezinde myna ýchaskelerde jol jabylady:

* Dostyq dańǵyly, Sátbaev kóshesinen Qurmanǵazy kóshesine deıin – qozǵalystyń eki baǵyty da 26 qyrkúıek saǵat 20:00-den 27 qyrkúıek saǵat 13:00-ge deıin jabylady;

* Abaı dańǵyly, Dostyq dańǵylynan Nazarbaev dańǵylyna deıin – 26 qyrkúıek saǵat 15:00-den 27 qyrkúıek saǵat 15:00-ge deıin;

* Sátbaev kóshesi, Jeltoqsan kóshesinen Nazarbaev dańǵylyna deıin – qozǵalystyń eki baǵyty da 26 qyrkúıek saǵat 06:00-den 28 qyrkúıek saǵat 00:00-ge deıin jabylady;

* Jeltoqsan kóshesi, Abaı dańǵylynan Sátbaev kóshesine deıin – 26 qyrkúıek saǵat 20:00-den 27 qyrkúıek saǵat 18:00-ge deıin;

* Abaı dańǵyly, Momyshuly kóshesinen Seıfýllın dańǵylyna deıin – soltústik bóligi saǵat 06:00-den 09:15-ke deıin jabylady. Balama jol retinde Ál-Farabı dańǵylymen eki baǵytta da júrýge bolady;

* Abaı dańǵyly, Seıfýllın dańǵylynan Momyshuly kóshesine deıin – ońtústik bóligi saǵat 08:00-den 10:35-ke deıin jabylady. Balama jol retinde Ál-Farabı dańǵylymen eki baǵytta da júrýge bolady;

* Sátbaev kóshesi, Jeltoqsan kóshesinen Masanchı kóshesine deıin – qozǵalystyń eki baǵyty da saǵat 08:40-tan 10:55-ke deıin jabylady. Balama jol retinde Tóle bı kóshesi men Ál-Farabı dańǵylyn paıdalanýǵa bolady;

* Bógenbaı batyr kóshesi, Dostyq dańǵylynan Masanchı kóshesine deıin – eki baǵyttaǵy qozǵalys saǵat 08:35-ten 11:15-ke deıin tolyq jabylady;

* Qabanbaı batyr kóshesi, Dostyq dańǵylynan Masanchı kóshesine deıin – eki baǵyttaǵy qozǵalys saǵat 08:50-den 12:00-ge deıin tolyq jabylady;

* Shevchenko kóshesi, Dostyq dańǵylynan Muratbaev kóshesine deıin – saǵat 09:05-ten 12:50-ge deıin jabylady. Balama jol retinde Ál-Farabı dańǵyly men Tóle bı kóshesin paıdalanýǵa bolady;

* Dostyq dańǵyly, Qurmanǵazy kóshesinen Bógenbaı batyr kóshesine deıin – saǵat 08:30-dan 12:50-ge deıin jabylady;

* Qurmanǵazy kóshesi, Dostyq dańǵylynan Muratbaev kóshesine deıin – saǵat 09:25-ten 13:30-ǵa deıin tolyq jabylady;

* Naýryzbaı batyr kóshesi, Qurmanǵazy kóshesinen Abaı dańǵylyna deıin – saǵat 09:35-ten 13:30-ǵa deıin tolyq jabylady;

* Abaı dańǵyly, Seıfýllın dańǵylynan Nazarbaev dańǵylyna deıin – saǵat 06:00-den 13:30-ǵa deıin tolyq jabylady.

Qala turǵyndary men qonaqtarynan joldaǵy ýaqytsha shekteýlerdi eskerip, baǵyttaryn aldyn ala josparlaý suralady.

Buǵan deıin Almatyda Kóktóbe saıabaǵy ýaqytsha jabylatyny habarlandy.