Almatyda jekemenshik mektep jabylyp jatyr: oqýshylar ne isteıdi
ALMATY. KAZINFORM – Almatyda jekemenshik mekteptiń jabylýyna baılanysty 400-ge jýyq oqýshy qaıda barady? Bul suraqqa Bilim basqarmasy jaýap berdi.
Alataý aýdanynda Abyroi School jekemenshik mektebiniń qyzmeti toqtaıtyny belgili boldy. Almaty qalasy Bilim basqarmasynyń málimetine sáıkes, jańa oqý jyly aldynda balalarynyń mektepsiz qalýyna alańdaǵan ata-analar vedomstvoǵa júgingen. Sondyqtan qazir jekemenshik mektep ǵımaratyn memlekettik menshikke berý máselesi sheshilip jatyr.
– 2026 jyldyń 1 qyrkúıegine deıin balalardy mekteptegi orynmen qamtý maqsatynda atalǵan ǵımaratty jalǵa alý sharty rásimdelip jatyr. Bul ǵımarat №209 memlekettik mektep-gımnazııasynyń fılıaly retinde jumys isteıdi. Bul oqýshylardy tolyq qamtyp, oqý protsesin shtattyq rejımde uıymdastyrýǵa múmkindik beredi, – dedi basqarma ókilderi.
Ótken oqý jylynda Abyroi School jekemenshik mektebinde 400-ge jýyq oqýshy bilim alǵan.
Eske salaıyq, bıyl 22 jekemenshik mektep lıtsenzııasynan aıyryldy.
