Almatyda jekemenshik klınıkany zańsyz teksergeni úshin memlekettik qyzmetker jaýapqa tartyldy
ALMATY. KAZINFORM — Medeý aýdanynyń prokýratýrasyna Almaty qalasy Medıtsınalyq-farmatsevtıkalyq baqylaý departamentiniń zańsyz tekserý máselesi boıynsha jeke klınıkalardyń biriniń basshysy habarlasqan.
«Departamentke medıtsınalyq ortalyqtyń áreketine qatysty ótinish kelip túsken. Osy ótinish negizinde baqylaý organynyń qyzmetkeri kásipkerlik sýbektisin tirkep, tekserý júrgizdi. Prokýratýra ótinish bildirgen azamattyń zańdy ataýy uqsas múlde basqa medıtsınalyq uıymnyń áreketine shaǵymdanǵanyn anyqtady. Osyǵan qaramastan medıtsınalyq ortalyq zańsyz tekserýden ótti», —delingen habarlamada.
Memlekettik organnyń áreketiniń zańsyzdyǵyn eskere otyryp, tekserý aktisi men nátıjeleri joıyldy.
Sonymen birge, jeke kásipkerlik sýbektilerine tekserý júrgizý tártibin buzǵany úshin kináli laýazymdy tulǵa QR «Ákimshilik quqyq buzýshylyq týraly» Kodeksiniń 175 baptyń 1-bóligi boıynsha ákimshilik jaýapkershilikke tartylyp, 20 AEK mólsherinde aıyppul salyndy.
