Almatyda jekemenshik balabaqsha memleket menshigine qaıtaryldy

ALMATY. KAZINFORM – Almatyda oryn tapshylyǵyn sheshý úshin jekemenshik balabaqshalar memleket menshigine qaıtarylyp jatyr. Bul týraly Almaly aýdanynyń turǵyndarymen kezdesýinde Erbolat Dosaev aıtty.

детский сад, дети, балабақша
Фото: Александр Павский / Kazinform

– Máýlenov kóshesinde ornalasqan jekemenshik balabaqsha ǵımaraty memlekettik menshikke qaıtaryldy. Ǵımarat seısmıkalyq kúsheıtýmen jóndelip, onyń bazasynda 100 oryndyq jańa balabaqsha ashylady. Jumystar osy jyldyń maýsym aıynda bastalady,– dedi ákim.

Mektepke deıingi mekeme 2026 jyldyń sońynda paıdalanýǵa berilmek. 

Sondaı-aq Tastaq shaǵyn aýdanyndaǵy eski, tozyǵy jetken ǵımarattyń ornyna 240 oryndyq jańa balabaqsha salynady.

Eske salaıyq, buǵan deıin 2025 jyly balabaqshalardyń bári vaýcherlik qarjylandyrýǵa kóshe bastaıtyny týraly jazǵan edik

Vaýcherlik qarjylandyrý tásiline negizdelgen júıe qazir úsh qalada jumysyn bastady.

Сейчас читают