Almatyda úılerdiń aýlalary men kósherlerdi sý basty
ALMATY. KAZINFORM – Almatyda búgin jel kúsheıip, jekelegen úılerdiń aýlalary men kóshelerdi, jalpy alǵanda 38 jerdi sý basý jaǵdaıy tirkeldi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, Almatyda aýa raıynyń kúrt buzylýyna jel ekpininiń sekýndyna 18-24 metrge deıin kúsheıýine baılanysty qalanyń tótenshe jaǵdaılar qyzmeti men kommýnaldyq kásiporyndary kúsheıtilgen jumys rejımine kóshti.
«Úılerdiń aýlalary men tórt kósheniń jekelegen ýchaskelerinde 38 jergilikti sý tasqyny boldy. Azamattyq qorǵaý qyzmetteri men jergilikti atqarýshy organdar sý basqan aımaqtarda jumys júrgizip jatyr. Qazirgi ýaqytta qaladaǵy jaǵdaı turaqty. Tirshilikti qamtamasyz etý obektileri shtattyq rejımde jumys istep tur. Zardap shekkender joq»,-delingen habarlamada.
