Almatyda jeke úılerdiń qorshaýyn syrlaýǵa tegin boıaý beriledi
ALMATY. KAZINFORM - «Taza Qazaqstan» baǵdarlamasy aıasynda Almatyda «Óz qorshaýyńdy/oryndyǵyńdy/besedkańdy syrla» aktsııasy ótkiziledi.

Naýqan úı mańyndaǵy aýmaqtardyń estetıkalyq kórinisin jáne jeke turǵyn úılerdiń qorshaýlaryn jaqsartýǵa baǵyttalǵan. Oǵan Almaty qalasynyń barlyq turǵyny qatysa alady.
— Tegin boıaýdy alý úshin aýdandyq abattandyrý bólimderine júginý qajet. Boıaý mólsheri shekteýli — bir qatysýshyǵa 2 kg. Turǵyndarǵa qorshaýlardy, qaqpalardy, oryndyqtar men arbalardy boıaýǵa arnalǵan tegin boıaýlar men eritkishter beriledi, - dep habarlady ákimdikten.

Boıaý materıalyn kelesi mekenjaı boıynsha alýǵa bolady:
— Alataý aýdany — Veselov kóshesi, 18 «A»;
— Almaly aýdany — Tóle bı kóshesi, 67;
— Áýezov aýdany — «Mamyr-1» shaǵyn aýdany, 26/1;
— Bostandyq aýdany — Tájibaev kóshesi, 155 «A»;
— Jetisý aýdany — Tıhov kóshesi, 87 «A»;
— Medeý aýdany — Pýshkın kóshesi, 72
— Naýryzbaı aýdany — Baısultanov kóshesi ½;
— Túrksib aýdany — Sholohov kóshesi, 9.
Eske salaıyq, buǵan deıin Almatyda qýaraǵan aǵashtardy kesý nelikten uzaqqa sozylatynyn jazǵan edik.