Almatyda jeke úıden órt shyqty
ALMATY. KAZINFORM - Almatyda jazǵy ýaqytsha úı-jaı men monsha órtendi.
Qalalyq Tótenshe jaǵdaılar departamentiniń málimetinshe, 22 naýryz keshki saǵat 20:29 mınýtta «101» pýltine Alataý aýdany «Shapaǵat» shaǵyn aýdanynda jeke úıdiń janǵany týraly habarlama tústi.
Almaty qalasy TJD kúshteri men quraldary jeke quramnyń 41 adamy jáne tehnıkanyń 11 birligi 1 «bıs» shaqyrýdyń joǵary dárejesi boıynsha jiberildi.
«Órt sóndirý brıgadasy atalǵan mekenjaıǵa 6 mınýtta keldi. Barlaý barysynda jazǵy jáne ýaqytsha salynǵan úı-jáılary men monshanyń órtengenin anyqtady. Sondaı-aq qyzyl jalyn nebári úsh metr qashyqtyqta ornalasqan kórshi turǵyn úıge qaýip tóndirdi», - dep habarlady departamentten.
Qabyldanǵan sharalardyń arqasynda órttiń taralýyna jol berilmedi. Abyroı bolǵanda zardap shekkender joq. Órttiń sebebi anyqtalyp jatyr.
