Almatyda jeke sot oryndaýshysy zań buzǵany úshin lıtsenzııasynan aıyryldy
ASTANA. KAZINFORM — Almatyda jeke sot oryndaýshysynyń zańsyz áreketi sotta qaraldy, dep habarlaıdy qalalyq sottyń baspasóz qyzmeti.
Qala prokýratýrasy jeke sot oryndaýshysynyń qyzmetin tekserý barysynda zańnama talaptarynyń óreskel jáne júıeli túrde buzylǵanyn anyqtady.
JSO talap-aryzdy qamtamasyz etý jónindegi sottyń qabyldaǵan sharalaryna qaramastan, boryshkerdiń banktik shotynan eki ret zańsyz tyıym salýdy alyp tastaǵany anyqtaldy. Nátıjesinde óndirip alýshynyń quqyqtary buzylǵan, óıtkeni jaýapker aqsha qarajatyna kedergisiz paıdalaný múmkindigine ıe bolǵan, bul sot aktisiniń naqty oryndalýyna qaýip tóndirdi.
— Tekserý nátıjeleri boıynsha qala prokýratýrasy jeke sot oryndaýshysy lıtsenzııasyn qoldanýyna toqtaý qoıa otyryp, Ádilet departamentine qadaǵalaý aktisin engizdi. Almaty qalasy Almaly aýdandyq sotynyń sheshimimen jeke sot oryndaýshysy óziniń kásibı qyzmetimen aınalysý quqyǵynan aıyryldy, — delingen vedomstvo habarlamasynda.
Budan buryn Rýdnyıda sot oryndaýshysyna pyshaqpen shabýyldaǵan er adam 15 jylǵa qamalatynyn jazdyq.
