Almatyda jedel járdem avtoparki 48 jańa kólikpen tolyqty
ALMATY. KAZINFORM —Almatynyń medıtsınalyq jedel járdem qyzmetiniń avtoparki 48 zamanaýı kólikpen tolyqty.
Almaty ákimdiginiń málimetinshe, jańa kólikter reanımatsııalyq qurylǵylar, defıbrıllıatorlar, elektrokardıograftar, ókpeni jasandy jeldetý apparattary jáne taǵy basqa quraldarmen jabdyqtalǵan. Bul medıtsınalyq jedel járdemdi joǵary deńgeıde kórsetýge múmkindik beredi.
Avtopark Almaty qalasy ákimdiginiń jáne Qoǵamdyq densaýlyq basqarmasynyń qarjylandyrýy arqasynda jańardy. Aldaǵy ýaqytta 50 jedel járdem kóligin satyp alý josparda.
— Kún saıyn 186 brıgada kezekshilik atqaryp, 3 myńnan astam shaqyrtýǵa qyzmet kórsetedi. 2024 jyldyń 11 aıynyń qorytyndysy boıynsha 990 myńnan astam shaqyrý oryndaldy. Birinshi jáne úshinshi sanattaǵy shaqyrýlarǵa jetý ýaqyty orta eseppen 12,6 mınýt, bul ulttyq standarttarǵa sáıkes keledi. Osy kezeńde 142 sátti reanımatsııa jasaldy,— dep atap ótti basqarmadan.
Qazir Almaty qalasynyń jedel járdem qyzmeti qalanyń ár aýdanynda ornalasqan 13 qosalqy stantsııadan turady, bul shaqyrýlarǵa jyldam jaýap berýdi qamtamasyz etedi.
Byltyr jaz aıynda Altaı-1 shaǵyn aýdanynda jańa qosalqy stantsııa ashyldy, bul jedel kómek kórsetý qyzmetin odan ári qoljetimdi etti.
Osyǵan deıin 2024 jyly densaýlyq saqtaý salasyn qarjylandyrý 25%-ǵa ulǵaıǵany týraly jazǵan edik.
https://kaz.inform.kz/news/almatinin-zhedel-zhardem-avtopark-37-ga-zhanartildi-4f8f1b/