Almatyda jazda kún 40 gradýsqa deıin ysıdy

ALMATY. KAZINFORM - «Qazgıdromet» ókili Almatyda bıyl jaz qandaı bolatynyn aıtty.

- Bıyl jazda kún asa qatty ystyq bolmaıdy. Degenmen keıbir kúnderi aýa temperatýrasy + 33 + 38 gradýsqa deıin kóterilýi múmkin, keıde tipti + 40 gradýsqa deıin barýy yqtımal, - dedi «Qazgıdromet» RMK-nyń baspasóz hatshysy Arýjan Muratova.

Sondaı-aq sınoptıkter nóser jaýyn jaýýy múmkin ekenin de boljap otyr.

-  Uzaq ýaqyt kún ashyq ári jaýyn-shashynsyz bolýy da múmkin, - dep naqtylady Arýjan Muratova.

Sonymen qatar sınoptıkter sáýirdegi ortasha temperatýra +13,1 gradýs bolady dep boljaıdy, bul qalypty normadan bir gradýsqa joǵary. Jaýyn-shashynnyń jalpy mólsheri de normadan asady (112 mm). Sáýir aıynyń basynda jańbyr men qar jaýýy múmkin. Aıdyń basynda kóktaıǵaq bolady dep boljanyp otyr, al jeldiń jyldamydyǵy 15-20 m/s bolmaq.

Eske salaıyq, búgin elimizdiń basym bóliginde kún jaýyn-shashynsyz bolady.