Almatyda jaıaý júrginshini kólik qaǵyp, mert qyldy

ALMATY. KAZINFORM — Almatynyń Alataý aýdanynda jaıaý júrginshini kólik qaǵyp, mert qyldy.

Oqıǵa ornynan túsirilgen vıdeo áleýmettik jelide tarap jatyr. 

— Nissan kóliginiń júrgizýshisi Rysqulov dańǵylymen shyǵys baǵytta kele jatyp, joldy belgilenbegen jerden kesip ótken jaıaý júrginshini qaǵyp ketti. Er adam alǵan jaraqattarynan oqıǵa ornynda qaıtys boldy, — dep habarlady Almaty polıtsııa departamentiniń baspasóz qyzmeti.

Adam ólimine ákelgen jol apaty boıynsha qylmystyq is qozǵaldy.

Osyǵan deıin Almatynyń Jetisý aýdanynda kólik elektr baǵanyna soǵylyp, júrgizýshi mert bolǵany týraly jazǵan edik.

Sondaı-aq Almaty-Bishkek tas jolyndaǵy jol apatynan 3 adam mert bolǵany týraly jazǵan bolatynbyz.