Almatyda jaıaý júrginshini qaǵyp, oqıǵa ornynan qashyp ketken moped júrgizýshisi ustaldy
ALMATY. KAZINFORM – Almatynyń Áýezov aýdanynda 28 tamyz kúni tańǵy saǵat 07.15-te joldan ótip bara jatqan qyzdy moped júrgizýshisi qaǵyp ketken.
Tóle bı dańǵylynyń boıynda bolǵan oqıǵanyń beınejazbasy áleýmettik jelide tarady. Vıdeodan moped soqqysynan keıin jaıaý júrginshiniń birneshe metrge ushyp ketkenin kórýge bolady. Alaıda moped ıesi oǵan kómektespeı, oqıǵa ornynan boı tasalady.
«Іzdestirý bólimshesiniń qyzmetkerleri júrgizgen sharalardyń arqasynda qashyp ketken azamat anyqtaldy jáne ustaldy. Bul – 23 jastaǵy jigit. Qazirgi ýaqytta jaıaý júrginshi aýrýhanada jatyr, jol apaty boıynsha qylmystyq is qozǵaldy. Jedel-izdestirý sharalary barysynda qaladaǵy beınebaqylaý júıeleriniń resýrstary barynsha paıdalanylǵanyn aıta ketken jón», - dedi Almaty qalalyq PD Jergilikti polıtsııa qyzmeti basqarmasynyń bastyǵy, polıtsııa polkovnıgi Serik Shýmaev.
Eske salaıyq, Almatyda sheteldik týrısten 77 myń teńge talap etken taksı júrgizýshisi jazalandy.
