Almatyda jaıaý júrginshiler jıi zardap shegetin kóshe qıylystary belgili boldy

ALMATY. KAZINFORM — Almaty qalasynyń Polıtsııa departamenti jol-kólik oqıǵalary jıi bolatyn qaladaǵy qaýipti ýchaskelerdi atady. 

Jyl basynan beri megapolıste jaıaý júrginshiler zardap shekken 650 jol-kólik oqıǵasy boldy. Onyń ishinde adam ólimine ákelgen jol apattary da bar.

— Alataý aýdanynda 80 jaıaý júrginshige kóliktiń zardaby tıgen, onyń bir jaǵdaıynda adam mert boldy. Aýdandaǵy qaýipti ýchaskeler qataryna Rysqulov dańǵyly, Saın jáne Janqoja batyr kósheleri jatady.

— Áýezov aýdanynda mundaı faktilerdiń sany — 112, eki jaǵdaıda adam qaza tapty. Qaýiptiligi joǵary kósheler qatarynda Abaı dańǵyly, Saın, Shalıapın kósheleri bar.

— Bostandyq aýdanynda jol-kólik oqıǵalaryna 102 jaıaý júrginshi zardap shekken, onyń ishinde 3 adam kóz jumdy. Jol apatty jıi bolatyr ýchaskeler: Ál-Farabı dańǵyly, Sátbaev jáne Tımırıazev kósheleri.

— Jetisý aýdanynda 68 adamdy kólik qaǵyp ketken jáne 1 adam mert bolǵan. Mundaı faktiler kóbine Bókeıhanov, Kýderın kóshelerinde jáne Rysqulov dańǵylynda tirkeledi.

— Medeý aýdanynda 70 jaıaý júrginshi jol-kólik oqıǵasynan zardap shekti, bireýi qaza tapty. Qaýipti ýchaskeler: Shyǵys aınalma avtojoly, Dostyq dańǵyly jáne Qulja traktisi.

— Naýryzbaı aýdanynda 44 uqsas jaǵdaı tirkelgen. Munda jol apaty Áshimov kóshesi men Raıymbek dańǵylynda jıi bolady.

— Túrksib aýdanynda 78 jaǵdaıda jaıaý júrginshiler zardap shekken, bir jaǵdaıda adam qaza tapty. Maılın, Sholohov-Rıhard Zorge jáne Súıinbaı kósheleri qaýipti dep tanyldy.

Eske salaıyq, Almatyda júk kóligi 7 jasar qyzdy basyp ketkenin jazǵanbyz.

7 jasar qyzdyń ómirin qıǵan jol apatyna kim kináli ekenin sarapshylar paıymdady.