Almatyda Jáýtikov atyndaǵy olımpıada bastaldy
Almatyda Jáýtikov atyndaǵy HH halyqaralyq olımpıada saltanatty túrde ashyldy. Oǵan Qazaqstan, Ázerbaıjan, Armenııa, Belarýs, Reseı, Qyrǵyzstan, Ózbekstan, Bolgarııa, Tájikstan, Mońǵolııa, Grýzııa, Serbııa, Úndistan jáne Rýmynııa syndy álemniń 14 elinen 55 komanda keldi, dep habarlaıdy Kazinform.
Olıpıada úsh jyl qatarynan onlaın formatta ótse, bıyl oflaın formatta ótedi. Olımpıada aıasynda dástúrli túrde fızıka-matematıkalyq baǵyttaǵy mamandandyrylǵan mektepter arasynda úsh pán boıynsha baıqaý uıymdastyrylady. Basqa halyqaralyq olımpıadadan ereksheligi osynda jáne jastardyń zııatkerlik áleýetin damytý úshin osy ǵylymı pánderdiń mańyzyn kórsetedi.
«Jáýtikov atyndaǵy olımpıadanyń aýqymy men keńinen tanylýy Almaty úshin mańyzdy oqıǵaǵa aınaldy. Myqty fızıka-matematıka mektebimen tanymal qalamyzdyń oqýshylarynyń jeńisi men jetistigin maqtan tutamyz. Jáýtikov olımpıadasynyń jeńimpazdary men júldegerleri Qazaqstan men shetelderde zor jetistikke qol jetkizip keledi. Olar MIT, KAIST, Iel, Kembrıdj syndy álemdegi eń bedeldi ýnıversıtetterdiń stýdentteri», - dedi Almaty ákimi Erbolat Dosaev olımpıadanyń ashylý saltanatynda.
Jarys eki kezeńnen turady – teorııalyq jáne tájirıbelik. Qatysýshylar tapsyrmalar oryndaıdy. Olımpıadanyń qorytyndysy ár pán boıynsha jeke esepte shyǵarylady.
Olımpıadanyń jeńimpazdary men júldegerlerine baǵaly syılyqtar men bilim berý granttary qarastyrylǵan.
Aıta keteıik, jarys 8-13 qańtary aralyǵynda ótedi.
