Almatyda jaýyn-shashynǵa baılanysty kommýnaldyq qyzmet kúsheıtilgen jumys rejımine kóshti

ALMATY. KAZINFORM – «Qazgıdromet» dereginshe, 8-10 jeltoqsan kúnderi qalada jańbyr men qar jaýady jáne tuman túsip, jel kúsheıedi.

Sınoptıkterdiń boljamyna qaraǵanda, 10 jeltoqsanǵa qaraǵan túni keı jerde qar jaýýy múmkin. Qalada – 6-9 sm, taýly aımaqtarda – 15-20 sm. 11 jeltoqsannan bastap jaýyn-shashyn toqtap, túnde temperatýra –13…–15°C-qa deıin tómendeıdi.

Qala ákimdiginiń málimetinshe, kommýnaldyq qyzmet kúsheıtilgen jumys rejımine kóshti. Júrgizýshiler, mehanızatorlar jáne jumysshylar táýlik boıy kezekshilikke qoıyldy.

– Qalalyq qutqarý qyzmeti 15 tehnıka men 50 qyzmetkerdi, al tótenshe jaǵdaılar departamenti 53 tehnıka jáne 244 qyzmetker daıyndady. Ákimdik, aýdan ákimdikteri, «Almaty Tazalyq» jáne merdiger uıymdarda jumystardy baqylaý úshin táýlik boıy kezekshilik uıymdastyryldy. Qar jaýar aldynda magıstraldarǵa kóktaıǵaqqa qarsy materıaldar sebiledi, - delingen habarlamada.

Qala bıligi turǵyndarǵa birneshe eskertý de jasady:

• júrgizýshiler kólik dóńgelegin qysqy shınalarǵa aýystyryp, jyldamdyqty tómendetip jáne aıaq asty burylmaǵany jón;

• tájirıbesi az júrgizýshiler múmkindiginshe qoǵamdyq kólikti paıdalanǵany oryndy;

• al jaıaý adamdar taıǵaq trotýarda saq bolyp, shatyrdan qar túsý qaýpine baılanysty ǵımarattarǵa tym jaqyn júrmegeni durys.

Eske salaıyq, buǵan deıin Almaty tótenshe jaǵdaılar departamenti turǵyndarǵa aýa raıynyń kúrt nasharlaýyna baılanysty eskertý jasaǵan edi.