Almatyda jaýyn-shashynǵa baılanysty keptelis 10 balǵa jetti
ALMATY. KAZINFORM – Búgin Almatyda kúni boıy jańbyr jaýyp tur.
Jaýyn-shashynǵa baılanysty megapolıs kóshelerinde qozǵalys qıyndady. 2GIS málimetine sáıkes, keptelis deńgeıi 10 ball boldy. Qalanyń barlyq negizgi kósheleri «qyzyl» jáne tipti «qoıý qyzyl» túspen boıalǵan.
Keshe Almaty qalasynyń tótenshe jaǵdaılar departamenti kún raıyna baılanysty eskertý jasaǵan bolatyn.
«Qazgıdromet» 22-24 mamyr aralyǵynda qalada qatty jaýyn-shashyn bolatynyn boljaǵan. Osyǵan baılanysty qutqarýshylar ózenderdiń tasýy jáne jekelegen aýmaqtardy sý basýy múmkin ekenin eskertti.
Sondaı-aq týrıster men Almaty qalasynyń turǵyndaryna aýa raıynyń qolaısyzdyǵyna baılanysty aldaǵy kúnderi taýǵa shyǵýdan bas tartý usynyldy.
Eske salaıyq, buǵan deıin «Qazgıdromet» mamandary Almatyda jazdy kúni aýa raıy qalaı bolatynyn boljady.
