Almatyda jaýyn-shashyn saldarynan sý deńgeıi kóterilýi múmkin
ALMATY. KAZINFORM - Almatyda aýa raıynyń jylynýy jáne jaýyn-shashyn saldarynan taýly aımaqtarda sý deńgeıi kóterilýi múmkin.
«Ortasha táýliktik temperatýranyń joǵarylaýy men jaýyn-shashyn boljamyna baılanysty 6-8 sáýir aralyǵynda taýly ózenderde sý deńgeıiniń kóterilýi kútilýde. Osyǵan baılanysty Almaty qalasynyń aýmaǵyna irgeles taý bókteri men aýdandarda sý tasqyny bolýy múmkin», - dep eskertti Almaty qalalyq TJD-da.
Sondaı-aq TJD-da turǵyndarǵa jaqyn ornalasqan aryqtar men kanaldardy qoqystan tazartý qajettigin eskertti.
Eske salsaq, Almaty ákimdigi úıden shyǵatyn qoqystardy qalada beıbereket shashatyndardyń jaýapqa tartylatynyn eskertken edi.
Sondaı-aq jaýyn-shashynnan soń Almatyda 1 tonnaǵa jýyq qoqys pen laı syrtqa shyǵarylǵanyn habarlaǵanbyz.
